<p class="MsoNormal"><span style="font-family: Manrope, sans-serif;"><span style="font-size: 16px;">DSSpro – Elektron Məlumatlandırma Sistemi</span></span><strong style="font-family: Arial, sans-serif;"><o:p></o:p></strong></p>

DSSpro - Müasir təşkilatlarda məlumatların operativ, vahid və effektiv şəkildə çatdırılması korporativ kommunikasiya və xidmət keyfiyyətinin əsas tərkib hissələrindən biridir. Müxtəlif filiallarda, ofislərdə, stansiyalarda, xidmət mərkəzlərində və ictimai məkanlarda yerləşən ekran və məlumat lövhələrinin ayrıca idarə olunması həm əməliyyat yükünü artırır, həm də məlumatların aktuallığının və düzgünlüyünün təmin edilməsini çətinləşdirir.

DSSpro - təşkilatların rəqəmsal məlumat ekranlarını, elektron lövhələrini və informasiya panellərini mərkəzləşdirilmiş şəkildə idarə etmək üçün hazırlanmış müasir Elektron Məlumatlandırma Sistemidir. Sistem vahid idarəetmə mərkəzindən bütün monitorların, ekranların, yayımlanan məzmunların və yayım cədvəllərinin real vaxt rejimində idarə olunmasını təmin edir.

DSSpro - vasitəsilə istifadəçilər mətn, şəkil, video, animasiya, xəbər lentləri, elanlar, reklam materialları, statistik göstəricilər, növbə məlumatları, nəqliyyat məlumatları, hava proqnozu və digər rəqəmsal məzmunları istənilən sayda ekrana uzaqdan göndərə və idarə edə bilirlər. Sistem müxtəlif ekran qrupları üçün fərqli məzmunların, şablonların və yayım ssenarilərinin təyin edilməsinə imkan yaradır.

DSSpro - nun ən mühüm üstünlüklərindən biri ekranların çoxzonalı (Multi-Zone) idarə olunması funksiyasıdır. Sistem ekranları istənilən ölçüdə və sayda sahələrə bölməyə imkan verir. Hər bir zona üçün ayrıca məzmun mənbəyi, dizayn və yayım qaydası müəyyən edilə bilər. Beləliklə, eyni ekran üzərində eyni vaxtda videoçarxlar, xəbər lentləri, elanlar, reklam materialları, saat, hava məlumatları, cədvəllər, qrafiklər, statistik göstəricilər və digər informasiya blokları nümayiş etdirilə bilir. Bu imkan ekranlardan maksimum səmərəliliklə istifadə etməyə və məlumatların daha çevik şəkildə təqdim olunmasına şərait yaradır.

Platforma ekranların vəziyyətinin monitorinqi, məzmun yayımının planlaşdırılması, yayım cədvəllərinin idarə olunması, fövqəladə məlumatlandırma mesajlarının göndərilməsi və məlumatların avtomatik yenilənməsi funksiyalarını dəstəkləyir. Bu yanaşma təşkilatın bütün informasiya kanalları üzərində tam nəzarət yaratmaqla məlumatların operativ, dəqiq və fasiləsiz şəkildə çatdırılmasını təmin edir.

DSSpro - korporativ informasiya sistemləri, SCADA sistemləri, ERP, CRM, HRM və digər platformalarla inteqrasiya olunaraq müxtəlif mənbələrdən məlumatların avtomatik əldə edilməsini və ekranlarda yayımlanmasını təmin edir. Sistem real vaxt məlumatlarının vizuallaşdırılması, göstəricilərin nümayiş etdirilməsi və operativ məlumatlandırma proseslərinin avtomatlaşdırılması üçün geniş imkanlar təqdim edir.

Dashboard, monitorinq paneli və analitik hesabatlar vasitəsilə administratorlar bütün ekran şəbəkəsini mərkəzləşdirilmiş şəkildə idarə edə, ekranların aktivlik vəziyyətini izləyə, məzmunların yayım tarixçəsinə nəzarət edə və bütün informasiya infrastrukturunu vahid platformadan idarə edə bilirlər.

DSSpro - sadəcə elektron məlumat lövhəsi sistemi deyil, təşkilatın bütün rəqəmsal ekran, informasiya və məlumatlandırma infrastrukturunun vahid platformada idarə olunmasını təmin edən yeni nəsil Digital Signage və Elektron Məlumatlandırma Həllidir.

 Ümumi funksinallıqlar

• Stansiya və monitorların mərkəzləşdirilmiş idarəsi 
• Çevik şablon dizaynı 
• Məzmunun monitorlara təyin edilməsi 
• Real vaxt rejimində izləmə 
• Hesabatların avtomatik hazırlanması 

Modul quruluşu:

• Server modulu 
• Klient modulu 

Üstünlükləri

• Tam mərkəzləşdirmə
• Vaxt və resurs qənaəti 
• Real vaxt yeniləmələri
• Asan istifadə 
• Çevik məzmun formatları 
• Etibarlılıq və dayanıqlılıq
• Ətraflı hesabatlar

DSSpro hansı problemləri həll edir?

•  Əl ilə elan və məlumat dəyişikliyi
•  Yavaş və bahalı çap materialları
•  Məlumatın gec çatdırılması
•  Monitorların vəziyyətini izləmənin çətinliyi
•  Fərqli məzmun növlərini çətin birləşdirmək
•  Fəaliyyət hesabatlarının olmaması

Demo təqdimat üçün müraciət edin

DSSpro - nun bütün imkanlarını görün – PULSUZ demo təqdimat sifariş edin. Mütəxəssislərimiz sizin biznes proseslərinizə uyğun olaraq sistemin necə işlədiyini canlı şəkildə nümayiş etdirəcəklər.